उत्तर प्रदेशातील अलीगढ येथे एक धक्कादायक घटना समोर आली आहे. एका हॉटेलमध्ये विवाहित महिला तिच्या प्रियकरासोबत आढळून आल्याने मोठा वाद निर्माण झाला. या प्रकरणाचा व्हिडिओही सोशल मीडियावर व्हायरल होत असून त्यावरून मोठी चर्चा सुरू झाली आहे.
मिळालेल्या माहितीनुसार, अलीगढ शहरातील एका हॉटेलच्या खोली क्रमांक ३०२ मध्ये ही महिला तिच्या प्रियकरासोबत असल्याची माहिती तिच्या पतीला मिळाली. त्यानंतर पती आणि त्याच्या काही नातेवाईकांनी त्या हॉटेलमध्ये जाऊन संबंधित खोलीत धाड टाकली. दरवाजा उघडताच महिला तिच्या प्रियकरासोबत आढळून आली. यामुळे तेथे मोठा गोंधळ उडाला.
बेचारा पुरुष आज सही समय पर इसने अपनी पत्नी को रंगे हाथों पकड़ लिया नहीं तो कल को दहेज और न जाने किन-किन आरोपों में सड़ता
अरे भाई, अलीगढ के क्वारसी में पति ने होटल में पत्नी को प्रेमी के साथ रंगे हाथों पकड़ा!
पुलिस आई, थाने ले गई, सबके बयान दर्ज हो रहे हैं। pic.twitter.com/naUDAE5XpI
— कल्पना श्रीवास्तव 🇮🇳 (@Lawyer_Kalpana) March 15, 2026
घटनेदरम्यान पती आणि नातेवाईकांनी त्या दोघांना जाब विचारत संताप व्यक्त केला. याच वेळी उपस्थित असलेल्या काही लोकांनी संपूर्ण प्रकार मोबाईलमध्ये चित्रीत केला. हा व्हिडिओ नंतर सोशल मीडियावर व्हायरल झाला आणि या प्रकरणाची चर्चा सर्वत्र सुरू झाली.
माहितीनुसार, संबंधित महिलेने सुमारे साडेतीन वर्षांपूर्वी प्रेमविवाह केला होता. मात्र लग्नानंतर पती-पत्नीमध्ये वारंवार वाद होत असल्याचे सांगितले जात आहे. या वादाच्या पार्श्वभूमीवर महिलेने आपल्या पतीविरुद्ध हुंडा प्रतिबंधक कायद्यांतर्गत तक्रार दाखल केली आहे. त्यामुळे या प्रकरणाला आणखी वेगळे वळण मिळाले आहे.
दरम्यान, या घटनेनंतर दोन्ही बाजूंमध्ये आरोप-प्रत्यारोप सुरू झाले आहेत. पतीच्या कुटुंबीयांचा दावा आहे की, महिला चुकीच्या वागणुकीवर पडदा टाकण्यासाठी पतीवर खोटा गुन्हा दाखल करत आहे. तर महिलेच्या बाजूने पती आणि सासरच्या मंडळींकडून छळ झाल्याचा आरोप केला जात आहे.
सध्या या प्रकरणात स्थानिक पोलिसांनी तक्रारींची नोंद घेतली असून संपूर्ण घटनेची चौकशी सुरू केली आहे. व्हायरल झालेल्या व्हिडिओचीही पोलिसांकडून पडताळणी केली जात आहे. चौकशीनंतर पुढील कायदेशीर कारवाई करण्यात येणार असल्याचे पोलिसांनी सांगितले आहे.
