सार्वजनिक बँकांमध्ये सर्वात कमी व्याज दर कोणाचा?
देशातील सर्वात मोठी सार्वजनिक क्षेत्रातील बँक स्टेट बँक ऑफ इंडिया 7.25 ते 8.95 टक्के व्याज दरानं गृहकर्ज देते. बँक ऑफ बडोदाकडून 7.20 ते 9 टक्के व्याजानं गृह कर्ज दिलं जातं. यूनियन बँक ऑफ इंडिया 7.15 ते 9.60 टक्के व्याजानं गृहकर्ज देते. पंजाब नॅशनल बँक 7.25 ते 9.25 टक्के व्याजानं हकर्ज देते. बँक ऑफ इंडियाकडून 7.10 ते 10 टक्के व्याजानं गृहकर्ज दिलं जातं. कॅनरा बँकेचा गृहकर्जाचा व्याज दर 7.25 ते 10 टक्के या दरम्यान आहे.
खासगी बँकांचा गृहकर्जाचा व्याज दर किती?
देशातील खासगी बँकांचा विचार केला असता सर्वात कमी व्याज दरावर साऊथ इंडियन बँक गृहकर्ज देते. या बँकेचा व्याज दर 7.20 टक्के आहे. तर, वैश्य बँक 8.50 ते 10.65 टक्के व्याजानं गृहकर्ज देते. खासगी बँकांमध्ये सर्वाधिक व्याज दर वैश्य बँक आकारते. कोटक महिंद्रा बँकेचा व्याज दर 7.60 टक्के इतका आहे. आयसीआयसीआय बँकेचा गृहकर्जाचा व्याज दर 7.50 टक्के आहे. याशिवाय एक्सिस बँकेचा गृहकर्जाचा व्याज दर 8 ते 11.90 टक्के आहे.
हाऊसिंग फायनान्समध्ये सर्वात कमी व्याज दर कोणाचा?
हाऊसिंग फायनान्स कंपन्यांचा विचार केला असता सर्वात कमी व्याज दरावर एलआयसी हाऊसिंग फायनान्स कंपनीकडून गृहकर्ज दिलं जातं. एलआयसी हाऊसिंग फायनान्स कंपनी 7.15 टक्क्यांपासून गृहकर्ज देते. बजाज हाऊसिंग फायनान्स कंपनी 7.25 टक्के व्याजानं गृहकर्ज देते. टाटा कॅपिटल कंपनी 8 टक्के व्याजापासून गृहकर्ज देण्यास सुरुवात करते. पीएनबी हाऊसिंग फायनान्स कंपनी 7.50 टक्के व्याजापासून गृहकर्ज देते.
तज्ज्ञांच्या मते बँक, हाऊसिंग फायनान्स कंपनी सर्वात कमी व्याजदरानं गृहकर्ज देते त्या कर्जदारांचा क्रेडिट स्कोअर 800 पेक्षा अधिक अतो. जर एखाद्या कर्जदाराचा क्रेडिट स्कोअर 800 पेक्षा कमी असल्यास त्याला अधिक व्याज दरानं गृहकर्ज घ्यावं लागतं.
कर्जदाराचा सिबिल स्कोअर
घर खरेदीसाठी गृहकर्ज काढावं लागतं. गृहकर्जाच्या परतफेडीचा कालावधी मोठा असल्यानं व्याजदरातील थोडासा फरक देखील परिणामकारक ठरु शकतो. सार्वजनिक बँका, खासगी बँका आणि हाऊसिंग फायनान्स कंपन्यांकडून गृहकर्ज दिलं जातं. कर्जदाराचा सिबिल स्कोअर जितका चागंला त्या प्रमाणात कमी व्याजदरावर कर्ज मिळतं.तज्ज्ञांच्या मते कर्जदारांनी किंवा ग्राहकांनी सर्वात कमी व्याजदरावर गृहकर्ज देणाऱ्या बँक किंवा हाऊसिंग फायनान्सचा पर्याय निवडला पाहिजे. मात्र बँक किंवा एनबीएफसी गृहकर्जाचा व्याज दर निश्चित करताना कर्जदाराचा क्रेडिट स्कोअर, कर्ज परतफेड क्षमता, नोकरीची प्रोफाईल आणि कर्जाच्या रकमेचा विचार करतात. आरबीआयकडून निश्चित केल्या जाणाऱ्या रेपो रेटवर देखील गृहकर्जाच्या व्याज दरातील बदल ठरतात.
